الدرس الأول (دورة في لغة c )

عدد المساهمات : 42 تاريخ التسجيل : 28/09/2010

السلامو عليكم و رحمة الله

كيفكو شباب ان شالله الكل تمام

اول شي بعتذر منكو عالتأخير يلي حصل لانو الدرس ان المفروض ينزل يوم مس

لكني تأخرت عليكم بسبب ظروف خاصة

عالعموم لن أطيل عليكم المقدمة

لنبدأ اليوم بالدرس الاول من دورة ال C

كود PHP:
#include<stdio.h>
#include<conio.h>
void main()
{
clrscr();
printf("my first program");
getch();
}
بسم الله و لنبدأ بشرح البرنامج
و هذا ابسط برنامج ممكن اعملو بلغة السي
و هو برنامج لطباعة جملة معينة

يبدأ البرنامج بالجملة #include و بين العالمتين اسم ملف التوجيه stdio.h بين العالمتينه <>
طيب هلقيت ييجي واحد يقليي ايش يعنى ملف توجيه ؟؟
اقللو بسيطة حبيبي , ملف التوجيه عبارة عن ملف بكون فيه عدد من الدوال الجاهزة
و كل ملف توجيه فيه دوال معينة و سيتم التطرق لهذه الدوال بالتفصيل خلال الدروس القادمة.

المهم حبايبي نيجي هلقيت لاهم دالة بالبرنامج الا و هي دالة ال main()
و لمعولماتكو ما تقدر تشغل اي برنامج بدول هاي الدالة
و كمان معلومة اي دالة يجب ان تحتوي على block اي جسم للدالة و البلوك هو عبارة عن المكان الموجود بين العلامتين {} begin =البداية , end = النهاية
طيب يا حلوين بعد ما خلصنا من دالة ال main()

نيجي نشوف الدالة الي بعديها , دالة printf()
و هي دالة الطباعة
طيب ييجي واحد يقللي كيف نستخدم هاي الدالة ؟؟
اقللو بسيطة , زي ما انتا شايف اول شي نكتب اسم الدالة بعدين نفتح قوس و هوا ضروري بعدين افتح عالمتين تنصيص "" و بين علامتين التنصيص نكتب الكلام الي بدي اطبعو و بعدين اسكر القوس و بالنهاية في شغلة مهمة لا تنسوها و هيا الفاصلة المنقوطة ;

طيب ييجي واحد يقللي انتا نسيت تشرح الدالتين clrscr() و getch()اقللو لا يا حبيبي ما نسيتهم .
لانو ممكن تشغل البرنامج بدونهم بس هدول الدالتين انا اعتبرهم مهمات لاي برنامج

الدالة الاولى : clrscr() هاي الدالة لتنظيف الشاشة
ييجي واحد يقللي كيف يعني لتنظيف الشاشة انا مش فاهم عليك ؟؟
يا حبيبي لا تستعجل على رزقك انا و الله ناوي شرحها
هلقيت يا حبيبي يا عسول انتا لما تيجي تنفذ برنامج تظهر النتيجة بالشاشة السودة (شاشة الدوس) حلو لحد اللحظة ما في اي مشاكل
طيب انتا لما تيجي تنفذ البرنامج مرة تانية راح تظهر النيجة و بدون اي مشاكل
بس راح ضل نتيجة تنفيذ البرنامج الاول و هادا مش منظر
ان شالله تكون وصلت الفكرة

نيجي للدالة الثانية : getch() هاي الدالة تثبت الشاشة السوداء
يعني يا حبيبي لما تيجي تنفذ البرنامج بتظهر النتيجة على الشاشة السوداء
بس بتظهر النتيجة للحظة و احدة و بتختفي لكن بمساعدة الدالة getch()
بتظهر النتيجة للمستخدم بشكل طبيعي و تختفي عند الضغط على اي زر
ان شالله تكون وصلت

طيب ييجي واحد يقللي انتا انسيت ملف التوجيه conio.h
اقللك لازم تكون نبيه و افهمت لوحدك
انو الملف التوجيه conio.h بتكون موجودة فيه الدوال clrscr + getch
و ما تقدر تشغل الدوال الا بوجود ملف التوجيه التابع الهم

و هيك بكفيكو لليوم
بسيا حلوين الدرس الاول ما خلص
و راح اكمل ان شالله اخر النهار

شباااااااااااب ملاحظة اخيرة ما بدي احد يقللي شكرا و يطلع
الي بدو يرد بيرد بسياق الموضوع
اما باضافة معلومة او سؤال بالموضوع

و اي مشاركة مخالفة سيتم حذفها

تحياتي للجميع الدرس الأول (دورة في لغة c )
شبااااااااااااااااااااااا ااااااااااااااااااااااااب بالنسبة للبمترجم الي راح تنفذ عليه البرنامج المكتوب بلغة السي انا رفعتو على الميديا فير و هي الرابط

[ندعوك للتسجيل في المنتدى أو التعريف بنفسك لمعاينة هذا الرابط]

اول شي تنزل البرنامج عالسي , شباب مرة تانية ضروري عالسي
لانو لغة السي مرتبطة بنظام التشغيل
يعني لو نزلت البرنامج عال دي او اي قرص تاني مش راح يتنفذ البرنامج

المهم بعد ما تنزل البرنامج بتروح على القرص المحلى C
و بتفوت على مجلد اسمو tc بعدين بتفوت على مجلد اسمو bin و بتلاقي داخل المجلد tc
ملف اسمو TC بتضغط عليه يا حلو و هيك انتا بتقدر تكتب اي برنامج بلغة السي
طيب بعد ما تكتب البرنامج كيف بدك تشوف النتيجة
اول شي بتروح على الشريط الي فوق بتلاقي اشي اسمو compile بتضغط عليه بتظهرلك قائمة
بتختار منها ايضا compile ازا بدك تريح راسك من الاول بتضغط على الاختصار alt+f9

ما خلص الشغل يا حبيبي ضل اخر خطوة و هي اهم خطوة لاظهار الناتج
بتروح على نفس القائمة يل يفوق بس هالمرة بتختار run بتضغط عليها بتظهرلك قائمة بتختار منها
ايضا run و ازا بدك تريح راسكمن الاول بتضغط على الاختصاؤ ctrl+f9

و كدا بتقدر اتشوف البرنامج الي انتا كتبتو بايدك
الله يسلملك اديك يا رب

تحياتي تحيات بيكو .........................

اخوي ياااا ليت تحط لغة html لانه الاهم على ما اعتقد بس بصراحه حسستوني ان ما فيه غيري بالمنتدى ما احد يرد ولا يحط مواضيع مدري هجرتو المنتدى والا كيف ؟